Вопросы Белорусская литература

Без перабольшання можна сцвярджаць: імя Івана Шамякіна вядома кожнаму, хто так ці інакш сутыкаўся з беларускай літаратурай. Хрэстаматыйны пісьменнік, ён на працягу пяцідзесяці гадоў звяртаўся ў сваёй творчасці да найбольш значных праблем часу і, як вынік, меў велізарную папулярнасць у чытацкай аўдыторыі. Напэўна, сярод вялізнай колькасці твораў, адно толькі спіс якіх займае ў біябібліяграфічным слоўніку “Беларускія пісьменнікі” 17 старонак, кожны знаходзіў нешта блізкае для сябе, што прымушала выключаць тэлевізар і аддаваць перавагу вечару з раманамі і іншымі творамі пісьменніка.

Іван Шамякін апублікаваў свае дзённікі 1980 - 1995 гадоў пад вокладкай адной кнігі “Роздум на апошнім перагоне” (Мінск, 1998 год). Апублікаваныя дзённікавыя запісы Івана Шамякіна маюць публіцыстычны характар - у першую чаргу гэта неабходнасць расказаць пра сучаснікаў і сучаснае. Сам аўтар адзначае: “Расказ пра гэтых самабытных людзей, дружбу з якімі падарыў мне лёс, - таксама своеасаблівы дзённік, хіба толькі ў дзённіку пра людзей пішаш больш лаканічна, а ў спецыяльных нарысах – шырока”. Кніга Роздум на апошнім перагоне складаецца з запісаў рэфлексій пра сучасныя падзеі і з мемуарнай часткі, якая раскрывае аўтара і час яго дзяцінства, маладосці, тагачасных праблем грамадства. Бясспрэчна, дзесяцігоддзі пасля гэтыя праблемы калі не актуальны, то заслугоўваюць ўвагі і даследвання як зявы папярэдняй эпохі.